Украина президенти Нью-Йоркда Германия канцлери билан учрашди
Владимир Зеленский Олаф Шольц билан учрашуви ҳақида ўзининг Telegram каналида маълум қилди.
"Биз адолатли дунёга яқинлашиш ҳақида гаплашдик. Асосий вазифа — бирдамликни сақлаш. Бизнинг тинчлик формуламиз айнан шу мақсадда ишлаб чиқилган ва биз биринчи тинчлик саммитини муваффақиятли ўтказдик. Ҳозир иккинчи тинчлик саммитига тайёргарлик кўраяпмиз. Бу Украина ва бутун Европа хавфсизлигини тўлиқ тиклашни кафолатлайдиган ҳақиқий платформа бўла олади", — деди Украина президенти.
Tagesschau нашрининг хабар беришича, Шольц журналистлар билан учрашувда Германия Украинанинг Россия ҳудудига чуқур зарба беришига қўйилган тақиқни бекор қилмаслигини яна бир бор тасдиқлаган.
“Германия зарба беришда масофа чекловларини олиб ташламайди. Бу менинг шахсий позициямга тўғри келмайди", — дея фикр билдирди Шольц.
