Эрон: "Исроил қуролларини бир четга қўйсагина тинчиймиз. ҲАМАС етакчиси ўлдирилганига эса, албатта, жавоб берамиз"

Эрон президенти Маъсуд Пезешкианнинг айтишича, Эрон минтақавий уруш ёки Яқин Шарқни беқарорлаштиришдан манфаатдор эмас, чунки бундай уруш қайтарилмас оқибатларга олиб келади. Эрон тинч яшашни истайди.

Пезешкиан Ғарб матбуотига берган интервьюсида, агар Исроил ҳам шундай қилса, Эрон ўз қуролларини бир четга қўйишга тайёрлигини айтди. Кўпгина шарҳловчилар бу иборага эътибор қаратиб, буни Эроннинг тарангликни юмшатиш истагининг белгиси сифатида қабул қилишди. Аммо Пезешкианнинг айтишича, Ғарб Исроилни қурол-яроғ билан таъминлаган, Эрон эса қўл қовуштириб ўтирмайди. Яъни у Ғарб давлатлари Исроилни қурол билан таъминлашни тўхтатиши керак, шунда тинчлик келишига шама қилган эди.

Шунингдек, у "Ҳизбуллоҳ" ёлғиз тура олмаслигини, шунинг учун Эрон ўзини ҳам, ўзини ҳимоя қилишга қонуний ҳуқуқига эга бўлган бошқа тузилмаларни ҳам ҳимоя қилишга тайёрлигини қўшимча қилди. Президентнинг айтишича, "Ҳизбуллоҳ" фаластинликларни ҳимоя қилиш учун Исроилга ракеталарни жуда кам отади.

Шу билан бирга, Пезешкиан яна бир бор таъкидладики, Эрон ҲАМАС етакчиси Исмоил Ҳаниянинг йўқ қилинишига албатта жавоб беради, лекин ўз вақтида ва керакли жойда.

Умуман олганда, Эрон президенти Исроилга қарши расмий курсга амал қилишда давом этмоқда ва Ғарбдан Исроилни қўллаб-қувватлашни тўхтатишни талаб қилмоқда, агар улар Ғарб давлатлари Эрон билан ҳар қандай масалада келишмоқчи бўлса.