Исроил ва Ҳизбуллоҳ ўртасидаги сўнгги ҳужумлар ҳақида нималар маълум?

Ҳизбуллоҳнинг ҳужуми Исроилнинг яқинда қилган қотилликларига қарши бир неча ҳафта давомида кутилган эди.

Ҳизбуллоҳ ва Исроил кучлари Ливан-Исроил чегараси орқали 7-октабрдан бери олиб бораётган бир-бирига қарши ҳужумларни кучайтирди.

Айнан нима бўлди?

Исроил самолётлари якшанба куни эрта тонгда Ливан жанубига ҳужум қилиб, бу Исроилга ҳужум қилишга тайёрланаётган Ҳизбуллоҳ ракета отиш мосламаларига қарши олдиндан зарба эканлигини айтди.

Исроил армия радиосига кўра, Исроил армияси Ҳизбуллоҳнинг эрталаб соат 5 да Исроил марказига юзлаб ракеталарни учиришини аниқлаганини, шунинг учун 100 самолёт билан ярим соат олдин ҳужум қилинганини айтмоқда.

Ливан гуруҳи раҳбари Ҳасан Насруллоҳнинг айтишича, гуруҳ ўтган ой қўмондон Фуад Шукрнинг ўлдирилишига жавоб тариқасида Исроил шимолига юзлаб учувчисиз учоқ ва ракеталарни учирган.

Телевидение орқали қилган чиқишида у шунингдек, исроилликлар ҳужумни фош қилмаганини таъкидлади ва Исроилнинг ҳарбийлар Ливан гуруҳининг ракета отиш мосламаларини йўқ қилгани ҳақидаги даъволарини рад этди.

«Қандай қилиб қаршилик ҳаракати [Ҳизбуллоҳ] 8,000 ёки 6,000 та ракета ва учувчисиз самолётни учириши ва Исроил бунга барҳам бергани ҳақида гапириш мумкин... бу ёлғон даъволар», деди Насруллоҳ.

Ким нимага зарба берди?

Ҳизбуллоҳнинг айтишича, унинг ҳужуми Исроилнинг 11 ҳарбий объекти, жумладан Мерон базаси ва босиб олинган Голан тепаликларидаги тўртта обектга зарба берган.

Насруллоҳ телевидение орқали қилган чиқишида операциянинг асосий мақсади Тел-Авив яқинидаги Глилотда жойлашган Исроил разведкаси эканлигини айтди.

Унинг қўшимча қилишича, гуруҳ Тел-Авивдаги нишонларга, жумладан Бен Гурион аэропорти ва Исроил Мудофаа вазирлиги биносига зарба беришни режалаштирмаган.

Унинг қўшимча қилишича, Ливан гуруҳи бу ҳужумда юқори аниқликка эга ракеталардан фойдаланиш ниятида бўлмаган бўлсада, яқин келажакда улардан фойдаланиши мумкин.

Исроил эса «Ҳизбуллоҳ»нинг минглаб ракеталарини урганини айтмоқда.