Илия Топурия: "Перес бунга 100 фоиз ишонмоқда ва у келажакни олдиндан кўра олади"

Ярименгил вазн тоифасида UFC чемпиони, испаниялик Илия Топурия "Сантьяго Бернабеу" стадионида UFC турнирининг ўтказилиш эҳтимоли юқори эканини айтди.

"Флорентино мени табриклаб, футболка совға қилди. Шунингдек, у "биз UFC'ни бу ерга олиб келмоқчимиз деди. Перес "Сантьяго Бернабеу"да UFC турнирини ўтказишига 100 фоиз ишонмоқда. У келажакни олдиндан кўра олади, бу ҳаммага маълум", - деди Топурия.

Эслатиб ўтамиз, Илия UFC 298 турнири доирасида австралиялик Алекс Волкановскини мағлуб этиб, ярименгил вазнда UFC чемпионига айланган эди.