ФВВ огоҳлантиради: кучли шамол вақтида қуйидаги хавфсизлик чораларини кўринг
Фавқулодда вазиятлар вазирлиги айни пайтда мамлакатимиз ҳудудларида кузатилаётган кучли шамол пайтида қуйидаги эҳтиёт чораларига риоя қилишимиз кераклигини эслатмоқда:
🔹яшаш жойларида эшик-деразалар, чордоқ ва ҳаво айланиш тизимларини маҳкам беркитинг;
🔹электр ва газ воситаларини ўчиринг;
🔹кўчаларда дарахт ва электр устунлари тагида турманг;
🔹кўп қаватли бинолар балконлари, дераза токчаларида турган ҳамда ташқаридаги буюмларни имкон қадар хавфсиз жойларга олиб қўйинг ёки мустаҳкамлигини текширинг;
🔹шамол кучайганда, мустаҳкам қурилган бинолар, ер ости ўтиш йўллари ва яшириниш мумкин бўлган бошқа жойларда муҳофазаланинг;
🔹очиқ майдонда юрган пайтингизда пастликлар, чуқурликлар ҳамда хавфсиз бўлган бошқа барча ерларга ётган ҳолда ҳимояланинг;
🔹бузилган биноларга кирманг, хавфли устунлар, реклама устунлари ва дарахтлар ортига яширинманг;
🔹кучли шамолдан сўнг электр ҳамда газ жиҳозларидан фойдаланмоқчи бўлсангиз, уларни аввало яхшилаб текширинг.