Фруктоза даражасининг ошиши мия учун хавфлидир — олимлар
Aмерикалик олимлар томонидан олиб борилган тадқиқотлар Aльцгеймер касаллигининг сабабларидан бири мияда фруктоза даражасининг ошиши эканлигини исботламоқда.
Колорадо университети Аншутц тиббиёт маркази олимлари Япония ва Мексикадаги ҳамкасблари билан биргаликда Aльцгеймер касаллигининг сабаби мияда ҳосил бўлган фруктозанинг ҳаддан ташқари фаоллашиши бўлиши мумкин деб тахмин қилишди.
Тадқиқотчилар ривожланган мамлакатларда кенг тарқалган касалликнинг ривожланишини фруктоза метаболизмини келтириб чиқарадиган Ғарб диетаси билан боғлашди. Шунингдек, диабет ва семизлик билан оғриган одамларда Aльцгеймер касаллиги нима учун тез-тез ривожланиб бориши тушунтирилди.
"Фикримизча, Aльцгеймер касаллиги — бу фруктоза мия метаболизми ва нейронларнинг ишлашини бузиши натижасида келиб чиққан замонавий касаллик", — деди тадқиқотнинг етакчи муаллифи, тиббиёт фанлари доктори, профессор Ричард Жонсон.
Мақола муаллифлари – неврологлар, нейрофизиологлар ва бошқа мутахассислар кўплаб тадқиқотлар натижалари бўйича мияда фруктоза миқдорининг ушбу касаллик билан боғлиқлигини тасдиқлашди.
Олимларнинг фикрига кўра, миядаги фруктоза асосий манбаи эндоген мия синтези ҳисобланади. Фруктоза метаболизмига эътибор қарасангиз, митохондриал энергия ишлаб чиқариш секинлашади ва бу нейронларнинг функционаллиги ҳамда ҳаётийлигини таъминлаш учун етарли бўлмайди.
