ЕИ муҳим қарорлар қабул қилишда якдиллик тамойилидан воз кечиши керак — Боррел

Европа дипломатияси раҳбарининг фикрича, Европа Иттифоқи стратегик ва ҳал қилувчи қарорлар қабул қилишда якдиллик тамойилидан воз кечиш вақти келди.

"Турли вазиятларда Европа Иттифоқининг ташқи сиёсатидаги якдиллик тамойили сабабли товон тўлашга мажбур бўлганмиз; тамойил ҳаракатларимизни заифлаштирди ва кечиктирди”, — деб тушунтирди у.

Боррелнинг таъкидлашича, аутсайдерлар вето ҳуқуқидан тобора кўпроқ фойдаланиб, соғлом муроса изламасдан ўз позицияларини сақлаяпти, бу амалиёт сўнгги пайтларда кучайиб бормоқда.‌‌