Арманистон ва Қозоғистон ЕОИИни сиёсийлаштиришга йўл қўймайди
Арманистон бош вазири Никол Пашинян Қозоғистон президенти Қосим-Жомарт Тоқаевнинг Ереванга ташрифи арафасида ҳар икки давлат Евро-Осиё иқтисодий иттифоқини сиёсийлаштиришнинг олдини олишга ҳаракат қилаётганини айтди.
«Казакҳстанская правда» газетасига берган интервьюсида у, хусусан, шундай деди: «ЕОИИ ҳеч қандай сиёсий, ҳатто геосиёсий кун тартибига ҳам эга бўлмаган иқтисодий бирлашмадир. Арманистон ва Қозоғистон томонлари асосан шу ёндашувни қўллаб-қувватлайдилар..., ЕОИИни сиёсийлаштиришга бўлган барча уринишларни бостиришга интиладилар».
Пашиняннинг айтишича, Арманистон ва Қозоғистон ўртасидаги савдо-иқтисодий муносабатлар яхши ривожланмоқда, бироқ бу борадаги салоҳият ҳали тугамаган. Унинг қайд этишича, Арманистон ҳукумати чет эл сармояси учун қулай шароитлар яратмоқда.