Ана холос! «Спутник V» билан эмланганлар АҚШга киритилмаслиги мумкин
Коронавирусга қарши Россиянинг «Спутник V» вакцинаси билан эмланган хорижликларнинг АҚШ ҳудудига кириши тақиқланиши мумкин, дея ёзади The Washington Post. Қайд этилишича, АҚШга бормоқчи бўлган чет элликлар Жаҳон Соғлиқни Сақлаш Ташкилоти ёки Американинг Озиқ-овқат ва дори-дармон назорати бошқармаси (FDA) маъқуллаган препаратлар билан эмланган бўлиши зарур.
Озиқ-овқат ва дори-дармон назорати бошқармаси Pfizer, Moderna, Johnson&Johnson каби АҚШ вакциналарига рухсат берган бўлса, ЖССТ уларга қўшимча равишда Европанинг AstraZeneca, Хитойнинг Sinofarm ва Sinovaс, Ҳиндистоннинг Serum Institute of India вакциналарига рухсат берган. ЖССТ ишлаб чиқаришдаги камчиликлар туфайли “Спутник V” вакцинасини тасдиқлаш жараёнини тўхтатиб қўйган.
Ўтган ҳафтада АҚШ ҳукумати ноябрь ойидан бошлаб коронавирусга қарши тўлиқ эмланган хорижликларга мамлакатга учун рухсат беришни эълон қилган эди. Эмланмаганларнинг мамлакатга киришини тақиқлаш режалаштирилмоқда.
Ҳозирча АҚШга ҳаво йўллари орқали коронавирусга манфий тест топширган ёки COVID-19 га чалиниб тузалганлиги тўғрисида маълумотномаси борлар киришига рухсат этилган.
