Африкада аҳолини коронавирусга қарши эмлаш ўрнига сув сепиб, пул талаб қилишмоқда

Кениядаги шифокорлар маҳаллий аҳолига коронавирусга қарши эмлаш ўрнига сув сепиб, бунинг учун пул талаб қилишди. Бу ҳақда Vice нашри хабар бермоқда.

Аниқлик киритилишича, Африка мамлакати аҳолиси AstraZeneca вакцинаси билан бепул эмланиш ҳуқуқига эга. Эмлашлар ҳукумат томонидан аккредитациядан ўтган махсус тиббиёт марказларида ўтказилади. Аммо, дори танқислиги фонида баъзи шифокорлар кенияликларга пулга эмлашни таклиф қила бошладилар, кейин эса унинг ўрнига сув қуйишди.

Соғлиқни сақлаш вазири фуқароларни эмлаш учун пул тўламасликка ва бепул дори воситасини кутишга чақирди. Расмийнинг сўзларига кўра, расмийлар аллақачон бундай фирибгарлик ҳолатларини текширишни бошлаган ва жиноий иш қўзғаган.