“Yangiobod” bozorida Qizil kitobga kiritilgan jonivorlar sotilayotgani aniqlandi
Ijtimoiy tarmoqlarda Toshkent shahri Yashnobod tumanidagi Yangiobod ixtisoslashgan bozorida ayrim shaxslar tomonidan noqonuniy ravishda Qizil kitobga kiritilgan noyob turdagi qushlar va hayvonlar sotilayotgani to‘g‘risida tarqaldi.
Davlat ekologiya qo‘mitasi inspektorlari hamda Ichki ishlar va Milliy gvardiya xodimlaridan tuzilgan ishchi guruh tomonidan ushbu holat yuzasiden tekshiruv o‘tkazilgan.
Tekshiruv davomida davlat inspektorlari tomonidan 3 ta holatda noqonuniy ravishda sotilayotgan jami 63 ta toshbaqa tegishli tartibda olindi va qonuniy to‘xtamga kelingunga qadar vaqtinchalik Toshkent hayvonot bog‘iga topshirildi.
Shuningdek, Qizil kitobga kiritilgan ushbu noyob hayvonlarni qonunga zid ravishda sotayotgan fuqarolarga nisbatan O‘zbekiston Respublikasi “Ma’muriy javobgarlik to‘g‘risidagi kodeksi”ning tegishli moddalariga asosan hujjatlar rasmiylashtirilib, belgilangan tartibda chora ko‘rilishini ta’minlash maqsadida huquq tartibot idoralariga topshirildi.