O‘zbekiston kinoteatrlarida bepul filmlar namoyishi bo‘lib o‘tmoqda

O‘zbekiston Kinematografiya agentligi sentyabr oyining boshida respublikaning bir necha kinoteatrlarida bepul filmlar namoyishi haqida e’lon qildi.

"O‘zbekiston Respublikasi Mustaqilligining 33 yilligi munosabati bilan O‘zbekiston Milliy kino san’at saroyida 3 sentyabr kuni soat 18:00 da “Bahodir Yalangto‘sh” tarixiy-badiiy filmining bepul namoyishi bo‘lib o‘tadi.

Bundan tashqari, 29 avgustdan sentyabr oyi boshiga qadar mamlakatimiz kinoteatrlarida 10 taga yaqin milliy filmlar mutloq bepul namoyish etiladi!", - deyiladi xabarda.

Namoyish etiladigan filmlar orasida quyidagilar bor: "Ofiser 55", “Abdulla Oripov: istiqlol kuychisi”, "Samuray", "Doktor Abdullayev", "Ishq va Anduh", "Osmondagi bolalar 3" va boshqalar.