Iroq bosh vaziri Isroilning jirkanch qiliqlarini ma’lum qildi

Iroq bosh vaziri Isroil kuchlarining tinch aholiga qarshi «jirkanch» harakatlarini qoraladi.

Iroq Bosh vaziri Muhammad al-Sudaniyning aytishicha, Isroil kuchlari «dunyoning ko‘z o‘ngida tinch aholiga qarshi eng jirkanch qotillik, vayronagarchilik va huquqbuzarliklarni» sodir etdi.

«Mazlum va himoyasiz Falastin xalqi 10 oydan ortiq vaqtdan beri jinoyatchi sionist bosqinchi kuchlar tomonidan olib borilayotgan qirg‘in urushiga duchor bo‘ldi», - deya uning so‘zlarini keltiradi Iroq axborot agentligi.

«Bugun bizdan talab qilinadigan narsa shuki, biz barchamiz, musulmonlar va arablar, Falastinni qo‘llab-quvvatlash uchun sharafli pozisiyani egallashimiz kerak».