Turkiya Finlandiyaning NATOga kirishini ma’qullashi mumkin

Turkiya Finlandiyaning NATOga kirishini ma’qullashi mumkin

Turkiya prezidenti Rajab Toyyib Erdo‘g‘an birinchi marta Turkiya Finlandiyaning NATOga a’zo bo‘lishini Shvesiya qabul qilinishi bilan bog‘lamasdan ma’qullashi mumkinligini aytdi. Bu fikr siyosatchi va yosh saylovchilar o‘rtasidagi televizion uchrashuv chog‘ida bildirildi.

"Agar kerak bo‘lsa, Finlandiya uchun boshqacha javob berishimiz mumkin. Finlandiya uchun boshqacha javob berganimizda Shvesiya hayratda qoladi", dedi Erdo‘g‘an.

U Shvesiyadan "terrorchilar"ni ekstradisiya qilish talabini takrorladi.

Gap Turkiyada taqiqlangan Kurdiston ishchilar partiyasi (KIP) a’zolari haqida ketmoqda.

"Agar siz haqiqatan ham NATOga a’zo bo‘lishni istasangiz, bu terrorchilarni bizga qaytarasiz", dedi Erdo‘g‘an.

Shvesiya bosh vaziri Ulf Kristersson Turkiyaning Shvesiya NATOga a’zo bo‘lishiga rozi bo‘lish uchun ilgari surgan ayrim shartlari Stokholm uchun bajarib bo‘lmas darajada, deb ma’lum qildi.

"Turkiya bir vaqtning o‘zida ikkita narsani tan oladi – biz va’da qilganimizni bajardik va ular biz bera olmaydigan yoki bermoqchi bo‘lmagan narsani talab qilishyapti", deya Kristerssonning so‘zlarini keltiradi Reuters agentligi. U qanday shartlar haqida gapirayotganiga aniqlik kiritmadi.

Shvesiya va Finlandiya Shimoliy Atlantika alyansiga qo‘shilish tartibini Rossiyaning Ukrainaga harbiy bostirib kirishidan keyin boshladilar. Stokholm va Helsinki 18 may kuni rasmiy ariza topshirgan. NATOning barcha 30 ta davlati qarorni ratifikasiya qilishi kerak - shu kungacha 28 davlat buni amalga oshirgan. Turkiya va Vengriya hozirgacha bu qadamdan o‘zini tiyib turibdi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!