Tramp AQSh uchun yangi Buyuk Depressiyani bashorat qildi

AQSh prezidenti Jo Bayden ma’muriyatining siyosati mamlakatda yangi iqtisodiy inqirozga olib kelishi mumkin. Respublikachilar partiyasidan prezidentlikka nomzod Donald Tramp bu haqida RSBN telekompaniyasi tomonidan o‘tkazilgan matbuot anjumanida ma’lum qildi .

Uning so‘zlariga ko‘ra, bu inqiroz miqyosi bo‘yicha AQShda 1929-1939 yillardagi Buyuk Depressiyaga o‘xshash bo‘ladi. Trampning ta’kidlashicha, iqtisodiy muammolarni yengish uchun «o‘nlab yillar» kerak bo‘ldi.

«Siz ko‘p yomon narsalarni kutishingiz mumkin. Biz 1929 yildagidek tushkunlikka tushib qolishimiz mumkin, bu qo‘rqinchli bo‘lardi», — dedi siyosatchi.