Toshkent–Hojikent yo‘nalishidagi elektropoyezd nosozlik sabab harakatdan to‘xtatildi
Toshkent–Hojikent yo‘nalishidagi elektropoyezd nosozlik sabab harakatdan to‘xtatildi. Bu haqda «O‘zbekiston temir yo‘llari» AJ axborot xizmati xabar berdi.
Ma’lum qilinishicha, voqea 20 iyun, yakshanba kuni soat 08:18 da sodir bo‘lgan. Toshkent–Hojikent yo‘nalishida harakatlanuvchi 6429-sonli elektropoyezd «Oqqovoq» temir yo‘l bekatida to‘xtatilgan. Holat sabablari o‘rganilganida tyagoviy elektrodvigateldan tutun chiqqani aniqlangan.
Qayd etilishicha, hozirda elektrovozni almashtirish ishlari olib borilmoqda.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
