Shimoliy Koreya «Xvason-17» qit’alararo ballistik raketasini sinovdan o‘tkazdi
Shimoliy Koreya 16 mart kuni «Xvason-17» qit’alararo ballistik raketasini sinovdan o‘tkazganini ma’lum qildi, deya xabar bermoqda Kyodo.
«Xvason-17» ICBM sinovlari KXDRning AQSh va Janubiy Koreya mashg‘ulotlariga to‘g‘ridan-to‘g‘ri javobi bo‘ldi, deb xabar berdi davlat radiosi.
Pxenyan AQSh va Janubiy Koreyaning KXDRga «ochiq dushmanlik» qilayotgan harbiy provokasiyalariga qarshi chora ko‘rishda davom etadi, dedi Kim Chen In.
«Respublikamizga ochiqdan-ochiq dushmanlik qilayotgan AQSh va Janubiy Koreya Koreya yarimoroli hududida tez-tez o‘tkazib turadigan keng ko‘lamli harbiy mashg‘ulotlarning beparvoligini anglab etishlariga ishonch hosil qilishda davom etaman», — deyiladi davlat bayonotida. «Koreya ovozi» radiostansiyasi uning so‘zlaridan iqtibos keltirdi. U «KXDRga qarshi harbiy provokasiyalar» davom etsa va kengayib borsa, tegishli choralar ko‘rilishini ta’kidlab o‘tdi, shuningdek, «qarshi chora-tadbirlarni ham eslatib o‘tdi». Ushbu qarshi choralarning mazmuni keltirilmagan.
Shu bilan birga, KXDR yetakchisi Pxenyan «yadroviy qurolga yadroviy qurol bilan javob berishini, ochiq qarama-qarshilik bilan ochiq qarama-qarshilik ko‘rsatishini» ta’kidladi.
