San-Fransiskoda ATES sammitiga qarshi 80 dan ortiq namoyishchi hibsga olindi
San-Fransiskoda Osiyo-Tinch okeani iqtisodiy hamkorligi (ATES) sammitiga qarshi namoyishlarda ishtirok etgan 80 dan ortiq kishi hibsga olindi. Bu haqda San-Fransisko favqulodda vaziyatlarda harakat qilish markazi xabar bermoqda.
Ularning aniqlik kiritishicha, bu odamlar Bey-Bridj ko‘prigida bo‘lib o‘tgan namoyishga aloqadorlikda qo‘lga olingan va 29 ta mashina evakuasiya qilingan. Hibsga olinganlar allaqachon qo‘yib yuborilgan, biroq yana besh kishi hibsga olingan va hibsda qolmoqda.
San-Frantsisko meri London Bridning idorasi norozilik namoyishlari asosan tinch o‘tgani va ATESning asosiy tadbirlariga aralasha olmagani haqida xabar berdi.
O‘z navbatida, "ATES yo‘q" (No to APEC Coalition) koalisiyasi vakili Uill Uiltshko namoyishchilar o‘z oldiga qo‘ygan bir qator maqsadlariga erishganiga ishonch bildirdi. Uning fikricha, namoyishchilar yoshlar hukumatning o‘z manfaatlarini himoya qilish yo‘lidan norozi ekanini ochiq ayta oldi.
Namoyishchilar siyosatni ishlab chiqish va muhokama qilishda nafaqat korporasiyalar va ularning rahbarlari manfaatlarini hisobga olish kerakligi haqida xabar yuborishdi, deya qo‘shimcha qildi Uiltshko.
