Rolls-Royce minglab xodimlarini ishdan bo‘shatmoqchi

Rolls-Royce minglab xodimlarini ishdan bo‘shatmoqchi

Britaniyaning Rolls-Royce Holdings Plc mashinasozlik kompaniyasi minglab xodimlarini qisqartirishi mumkin, deb yozadi The Times konsalting sohasidagi manbasiga tayanib. Kompaniya uchta bo‘linma – fuqaro aviasiyasi, mudofaa va energetika tizimlarini birlashtirish niyatida, buning natijasida 30 ming nafar xodimning 10 foizi ishsiz qolishi mumkin.

Eng katta qisqartirishlar kompaniyaning bosh qarorgohi joylashgan Derbidagi xodimlarga ta’sir qilishi mumkin. The Times qayd etishicha, u yerda Rolls-Royce kompaniyasining bek-ofisi joylashgan.

Rolls-Royce kompaniyasining o‘zi xodimlarga oid qarorlar hali qabul qilinmaganini bildirdi. «Biz xodimlarga potensial ta’sir ko‘rsatishi mumkin bo‘lgan hech qanday qaror qabul qilganimiz yo‘q, buning aksi haqidagi barcha fikrlar faqat taxmindir», dedi kompaniya vakili.

Kompaniyaning transformasiya dasturini avvalroq uning bosh direktori Tufan Erginbilgich e’lon qilgan edi, Rolls-Royce faoliyatini optimallashtirish maqsadida McKinsey & Co. boshchiligidagi maslahatchilarni yollagan.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!