Rekord darajadagi qurg‘oqchilik Fransiyani ocharchilikka olib kelishi mumkin

Evropada eng ko‘p mahsulot ishlab chiqaradigan Fransiyada hozirda rekord darajadagi qurg‘oqchilik kuzatilmoqda.

Fransiyada 50 kun ketma-ket yomg‘ir yog‘madi. Barcha qishloq xo‘jaligi misli ko‘rilmagan darajada falokat yoqasida. Qurg‘oqchilik bu yil ekilgan hamma narsani quritib yubormoqda.

Fransiya yetakchisi Emmanuel Makron ham muammo haqida gapirdi.

"Inqiroz bo‘ladi, oziq-ovqat tanqisligi bo‘ladi, biz buni tushunamiz. Lekin bu hozir esa, bir yarim yildan keyin yuz berishi kutilmoqda", - dedi Makron.

Ammo fransiyalik iqtisodchilarining fikricha, bu ancha tezroq sodir bo‘lishi mumkin.

"O‘rim-yig‘imning yo‘qolishi o‘rnini to‘ldirib bo‘lmaydigan yo‘qotish bo‘lib, non narxiga va butun oziq-ovqat zanjiriga keskin ta’sir qiladi. O‘ylaymanki, yozda biz muammolarga, jiddiy muammolarga duch kelamiz" - dedi Fransiya shimolidagi agrosanoatchilar qo‘mitasi rahbari Kristian Durlin.

Oziq-ovqat va suvning to‘liq tanqisligi tahdidi fonida hukumat maysazorlar, bog‘lar va shaxsiy bog‘larni sug‘orishni taqiqladi.