«Qo‘yliq» ko‘prigi 20 kunga yopildi
Toshkentning Qo‘yliq dahasidagi ko‘prik 20 kunga yopiladi. Bu haqda poytaxt hokimligi matbuot xizmati xabar bermoqda.
Qayd etilishicha, 2021 yil 1 aprelidan 20 apreliga qadar yo‘l ta’mirlash ishlari olib boriladi. Shu sababli, Farg‘ona yo‘li ko‘chasidagi Qo‘yliq ota maqbarasidan Bektemir shohko‘chasiga chiquvchi ko‘prik harakatlanish uchun yopiladi.
Haydovchilarga aylanma yo‘llardan foydalanish tavsiya etilgan. Noqulayliklar uchun uzr so‘ralgan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
