Psixotrop moddalarini qonunga xilof ravishda o‘tkazishga urungan shaxslarga sud hukmi o‘qildi

Sudlanuvchi A.F.S., 2019 yil 30 avgust kuni fuqaro T.N.R.ga psixotrop moddalarni qonunga xilof ravishda o‘tkazish maqsadida, taksi avtomashinasining haydovchisi R.O.N.ga 1 pachka “Soneks Zopiclone” nomli psixotrop dori vositasini berib, N.T.dan jami 3 pachka “Soneks Zopiclone” nomli dori vositalari uchun 150.000 so‘m miqdorda pullarni olishni aytib, Buxoro shahriga yuborishi natijasida, O.R. ushbu kuni soat 11:40da Buxoro shahar ... ko‘chasida o‘zining boshqaruvida bo‘lgan “Lasetti” rusumli ... davlat belgili avtomashinasi ichida fuqaro N.T.ga O‘zbekiston Respublikasi hududida muomalasi cheklangan psixotrop moddalar ro‘yxatiga kiritilgan umumiy vazni 0,075 grammga teng, ozginadan ko‘proq miqdordagi 1 pachkada 10 dona bo‘lgan “Soneks Zopiclone” nomli dori vositasini berib, 150.000 so‘m naqd pullarni olgan vaqtda O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish Departamentining ... shahar bo‘limi va DXX ... viloyat boshqarmasi xodimlari tomonidan ushlanib, tegishli tartibda hujjatlashtirib olingan.

Shuningdek, 2019 yil 30 avgust kuni O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish Departamentining ... shahar bo‘limi va DXX ... viloyat boshqarmasi xodimlari tomonidan A.F.S.ning yashash joyi ... tumani .... qishlog‘idagi uyiga borilganda, O‘zbekiston Respublikasi hududida muomalasi cheklangan psixotrop moddalar ro‘yxatiga kiritilgan umumiy vazni 0,15 grammga teng, ozginadan ko‘proq miqdordagi 2 pachkada jami 20 dona bo‘lgan “Soneks Zopiclone” nomli dori vositalarini kelgusida N.T.ga o‘tkazish maqsadini ko‘zlab, qonunga xilof ravishda saqlab kelayotganligi aniqlanishi natijasida, o‘zining jinoiy harakatlarini o‘ziga bog‘liq bo‘lmagan sabablarga ko‘ra oxiriga yetkaza olmay, ozginadan ko‘proq miqdordagi psixotrop moddalarni qonunga xilof ravishda o‘tkazishga suiqasd qilgan.

Sudlanuvchi S.SH.E. ... tuman tibbiyot birlashmasi ko‘p tarmoqli markaziy poliklinikasi psixiatr vrachi lavozimida ishlab kelib, 2019 yil avgust oyida psixotrop dori vostalariga ehtiyojmand bemorlar ro‘yxatida turuvchi dastlabki tergov davomida shaxsini aniqlashning imkoni bo‘lmagan bemorning nomiga 30 dona “Soneks Zopiclone” nomli dori vositasiga soxta resept yozib, ushbu resept orqali ... tuman markaziy dorixonasidan O‘zbekiston Respublikasi hududida muomalasi cheklangan psixotrop moddalar ro‘yxatiga kiritilgan umumiy vazni 0,225 grammga teng, ozginadan ko‘proq miqdordagi 3 pachkada 30 dona bo‘lgan “Soneks Zopiclone” nomli dori vositasini 42.000 so‘mga sotib olib, ... tumani tibbiyot birlashmasiga qarashli tez tibbiy yordam bo‘limi binosida fuqaro A.F.S.ga 50.000 so‘mga o‘tkazganligi aniqlangan.

Sudlanuvchi A.F.S. sud majlisida, aybiga qisman iqrorlik bildirib, 2014 yildan buyon ... tuman tibbiyot birlashmasiga qarashli tez tibbiy yordam bo‘limida haydovchi vazifasida ishlab kelishini, 2019 yil may oylarida telefon orqali “Madina” ismli shaxs tanishib qolganligini, keyinchalik tergovga qadar tekshiruv davomida bilishicha o‘zini “Madinaman” deb tanishtirgan shaxs Nigora ekanligini, u hozirgi kunga qadar T. N. bilan do‘stona munosabatda bo‘lib kelganligini, u N.ni umuman ko‘rmaganligini, u bilan faqat telefon orqali gaplashganligini, 2019 yil 28 avgust kuni Nigora unga telefon orqali “Soneks” nomli psixotrop dori vositasini topib berishini, ushbu dori uning onasining iste’moli uchun kerakligini so‘rab iltimos qilganligini, tibbiyot birlashmasida ishlaganligi sababli 30 dona “Soneks Zopiclone” nomli dorilarni 2019 yil iyun oyida, ya’ni ... tumani tibbiyot birlashmasi poliklinikasida ishlovchi tanishi shifokor S.SH.dan jami 50.000 so‘m evaziga sotib olib, ushbu dori vositasini uyida saqlab kelganligini, u Nigoraning iltimosiga rozi bo‘lib unga 1 pachkada 10 dona bo‘lgan “Soneks” dori vositasini berishga u bilan o‘zaro kelishganligini, 2019 yil 30 avgust kuni ertalab soat taxminan 08:00 larda Nigora uning 00000000 raqamli qo‘l telefoniga o‘zining 00000000 raqamli qo‘l telefonidan qo‘ng‘iroq qilib, “Soneks” nomli dori vositasini berishini aytganligini, Nigoraga 1 pachkada bo‘lgan 10 dona psixotrop dorilarni taksi orqali berib yuborishini aytganligini, shunda Nigora unga 150.000 so‘m pul berib yuborishini aytganida u Nigoraga pul kerak emas deb aytganligini, lekin u baribir pul berib yuborishini aytganligini, Nigoraga 1 pachkada bo‘lgan 10 dona “Soneks” dori vositasini ... shahriga “...” yo‘nalishi bo‘yicha qatnovchi qo‘shnisi taksist Otabek orqali yetkazishini, 150.000 so‘m pullarni taksi haydovchisiga berib yuborishini aytganligini, Nigora uning bu taklifiga rozi bo‘lib, 2019 yil 30 avgust kuni soat taxminan 09:00da o‘zining ... raqamidan taksi haydovchisi Otabekning 0000000 raqamiga qo‘ng‘iroq qilib, ..... shahriga boradigan bo‘lsa, dori vositasini bir tanishiga eltib berishini so‘raganligini, qo‘shnisi Otabek uning taklifiga rozi bo‘lib, birozdan so‘ng .... shahriga borishini aytganligini, keyin u ... tumanidagi “Dehqon bozori” yonida Otabek bilan uchrashib, unga 1 pachkada bo‘lgan 10 dona “Soneks” nomli dori vositasini va “Nigora” ismli qizning 0000000 telefon raqamini berib, ... shahriga borganidan so‘ng, Nigoraning ...  telefon raqamiga qo‘ng‘iroq qilib, ushbu dori vositasini unga berishini va undan 150.000 so‘m pullarni olishini aytganligini, shu kuni taxminan soat 11:40 larda taksi haydovchisi Otabek o‘zining 000000 raqamidan uning 00000000 raqamiga qo‘ng‘iroq qilib, undan Nigoradan qancha pul olishini va taksi uchun xizmat haqini kim berishini so‘raganligini, u Otabekga Nigoradan dori uchun 150.000 so‘m pullarni olishini va uning yo‘l kira haqini Nigoraning o‘zi berishini aytganligini, so‘ng Otabek telefonni Nigoraga berganligini, Nigora unga 10 dona “Soneks” nomli tabletkalarni olib, 150.000 so‘m pullarni Otabekka berganligini aytganligini, keyin u Nigoraga yo‘l kira uchun Otabekka 20.000 so‘m alohida berishini aytganligini, so‘ng u Otabek bilan boshqa gaplashmaganligini, N.To‘rayeva unga aynan shuncha dona psixotrop dori vositasini yuborasan deb aytmaganligini, taxminan 2019 yil iyun oyida ... tumani tibbiyot birlashmasi poliklinikasida ishlovchi, tez tibbiy yordam bo‘limida navbatchilikka turuvchi tanishi S.SH.dan tez tibbiy yordam bo‘limi binosida 50.000 so‘m evaziga 30 dona “Soneks Zopiclone” nomli psixotrop dori vositasini sotib olganligini, u S. Sh .30 dona “Soneks Zopiclone” nomli psixotrop dori vositasini qachon, qayerdan va qanday usulda olganidan xabari yo‘qligini, u Sherzodga o‘zining shaxsiy iste’moli uchun “Soneks Zopiclone” nomli psixotrop dori vositasini kerakligini, asabi joyida emasligini, kechqurunlari uxlay olmayotganligini, ushbu dorini iste’mol qilsa uyqusi yaxshilanishi mumkinligini aytganida Sherzod unga dori vositasini sotganganligini, ushbu psixotrop dori vositalarini uyida saqlayotganidan biror-bir kishining xabari yo‘qligini, oila-a’zolari ham ushbu dori vositalarini ko‘rmaganligini, qolgan 20 dona “Soneks Zopiclone” nomli psixotrop dori vositasini o‘zining shaxsiy iste’moli uchun uyida qo‘yganligini, unda ushbu 20 dona psixotrop dori vositasini sotish niyati bo‘lmaganligini, “Soneks Zopiclone” nomli psixotrop dori vositasi O‘zbekiston Respublikasi hududida muomalasi cheklangan dori vositalari ro‘yxatiga kirganligini bilmaganligini, qilmishidan pushaymondaligini, oilaviy sharoiti og‘irligini inobatga olib, qonuniy yengillik berishni bildirib ko‘rsatuv berdi.

Sud, sudlanuvchilar S.SH.E. va A.F.S.larning aybiga qisman iqrorlik bildirib, qilmishidan pushaymonligini, oilaviy sharoitini, muqaddam sudlanmaganligini, yashash joyidan ijobiy tavsiflanganligini inobatga olgan holda har ikkala sudlanuvchiga ham qilgan qilmishlariga va shaxslariga mos jazo tayinlandi.
 

N. Sharopov, Jinoyat ishlari bo‘yicha Buxoro shahar sudi raisi