Peskov: AQSh Ukraina mojarosida ishtirok etishda davom etadi
AQSh Ukraina mojarosida ishtirok etishda davom etadi. Rossiya prezidenti matbuot kotibi Dmitriy Peskov AQShning vaqtinchalik byudjetiga Kiyevga yordam mablag‘lari kiritilmaganini shunday izohladi.
«Aftidan, bu vaqtinchalik hodisa. Albatta, Amerika bu mojaroda ishtirok etishda davom etadi», - dedi Kreml vakili.
Shu bilan birga, Kreml vakili dunyoda Ukrainaga homiylik qilishdan «charchoq» borligini ta’kidladi.
«Biz ilgari bir necha bor aytgan edik, prognozlarimizga ko‘ra, bu mojarodan, Kiyev rejimiga mutlaqo bema’ni homiylikdan charchash turli mamlakatlarda, shu jumladan AQShda ham kuchayadi. Bu charchoq siyosiy tuzumning parchalanishiga va qarama-qarshiliklarning kuchayishiga olib keladi», — dedi Peskov.
Avvalroq AQSh parlamentining har ikki palatasi mamlakat federal hukumatini moliyalashtirishni 45 kunga (17 noyabrgacha) uzaytirish haqidagi qonunni ma’qullagan, AQSh prezidenti Jo Bayden uni imzolagan edi. Hujjatda Ukrainaga yordam nazarda tutilmagan.
Rossiya avtomobillarining YEI bir qator mamlakatlariga kirishini taqiqlash
Bundan tashqari, Peskov Yevroittifoqning Rossiya raqamlariga ega avtomobillar kirishiga qo‘ygan cheklovlarini absurd deb atadi.
«Biz o‘zimiz uchun eng yaxshisini qilishimiz kerak. Bu har safar javob reaksiyasi bo‘lmasligi mumkin. Albatta, bunday mutlaqo bema’ni qarorlar allaqachon ayanchli ahvolda bo‘lgan munosabatlarimizga yana bir bor salbiy ta’sir ko‘rsatmoqda. Bunday qarorlarni qabul qilayotgan bu mamlakatlar rahbariyati o‘zini yaxshi tutmayapti», - dedi Peskov.
Latviya, Litva, Polsha, Finlandiya va Estoniyada rus avtomobillarining kirishiga taqiq allaqachon joriy etilgan, 3 oktyabrdan esa Norvegiyada joriy etiladi. Shuningdek, Bolgariya 2 oktyabr, dushanba kunidan boshlab Rossiya davlat raqamlariga ega bo‘lgan avtomobillarni olib kirishga taqiq joriy etishi xabar qilingan.
Moldova tomonining gaz bo‘yicha bayonoti
Bundan tashqari, Kreml Moldova davlatining gaz haqidagi bayonotiga, xususan, yevropalik yetkazib beruvchilarning qulay taklifi tufayli Rossiya gazini sotib olishdan bosh tortganiga munosabat bildirdi.
«Agar men to‘g‘ri tushungan bo‘lsam, «Gazprom» va Moldova o‘rtasidagi aloqalar davom etmoqda, Moldova tomonining qarzlari bor va bu qarzlar miqdori bo‘yicha kelishmovchilik mavjud. Bu muloqot davom etishi kerak... Albatta, tafsilotlarni tushunishimiz kerak. Asosiysi, albatta, Moldova tomoni va «Gazprom» o‘rtasidagi barcha qarz munosabatlarini tartibga solish», — dedi u.
«Ha, hozir gazni spotda sotib olish mumkin, u oxir-oqibat kelib chiqishi bo‘yicha Yevropa bozorida Rossiyaga tegishli bo‘lib chiqadi. Moldova buni qilgan bo‘lishi mumkin», — dedi Kreml vakili.
Avvalroq Moldova energetika vaziri Viktor Parlikov respublika «Evropa Ittifoqidan yetkazib berishga to‘liq o‘tganini» aytgan edi. Uning so‘zlariga ko‘ra, Kishinyov yonilg‘ini Yevropa bozorida arzonroq narxda sotib olishga muvaffaq bo‘lgan.
