Orban Moskvaga safari: Missiya bajarildi!

Vengriya bosh vaziri Viktor Orbanning fikricha, u Moskvaga tashrifining asosiy maqsadi – Rossiya prezidenti Vladimir Putin bilan Ukrainada tinchlikka erishish uchun eng qisqa yo‘l bo‘yicha muloqotni boshlashga erishgan. Vengriya hukumati rahbari, shuningdek, o‘zining tinchlikparvarlik missiyasi 8 iyul kuni davom etishini ma’lum qildi, deya xabar beradi OAV.

«Prezident Putin bilan muzokaralarni yakunladim. Maqsadim to‘g‘ridan-to‘g‘ri muloqot kanallarini ochish va tinchlik sari eng qisqa yo‘lda muloqotni boshlash edi. Missiya bajarildi! Va dushanba kuni davom etadi», deb yozdi Orban ijtimoiy tarmoqda.