Tashkent City'dagi 3 ta biznes markazlari xorijiy investorlarga sotiladi

Avgust oyida “Aloqabank”, “Asakabank” va “O‘zsanoatqurilishbank”ning ofis binolari sotuvga qo‘yilgandi. Bu haqda Davlat aktivlarini boshqarish agentligi axborot xizmati xabar berdi.

Bir qator marketing tadbirlaridan so‘ng 4 nafar investordan qiziqish bildirildi. Ular orasida Yevropa Ittifoqi, BAA va Turkiya kompaniyalari ham bor, deyiladi xabarda.

Ma’lumot uchun, bu 3 ta biznes markazlarini ilg‘or xalqaro tajriba asosida xususiylashtirish jarayonini amalga oshirish uchun KPMG xalqaro auditorlik kompaniyasi xususiylashtirish bo‘yicha maslahatchi, Deloitte xalqaro kompaniyasi esa mustaqil baholovchi sifatida jalb qilingan.