Noma’lum shaxslar tomonidan AQShning Suriyadagi harbiy bazasiga hujum qilindi

Suriyadagi "Al-Ixbariya" davlat telekanalining ma’lum qilishicha, noma’lum shaxslar mamlakat janubi-sharqidagi Amerika harbiy bazasiga hujum qilishgan.

Baza Deyr-ez-Zor viloyatidagi Omar neft konida joylashgan bo‘lgan. Avvalroq AQSh rasmiylari terrorchilar qo‘liga tushmasligi uchun Suriyadagi neft konlarini himoya qilishda davom etishlarini ma’lum qilishgan edi.

Hujum harbiy texnikali yuk mashinalari bazaga kelgan paytda boshlangan. AQSh harbiylari bunga javoban artilleriya o‘qlari va past ovozli granata bilan javob qaytarishgan, deyiladi xabarda.