NATO rahbari o‘n yillik boshqaruvdan so‘ng iste’foga chiqdi

NATO Bosh kotibi Yens Stoltenberg "Politico" nashriga bergan intervyusida alyans davlatlari boshqa muqobil takliflarni emas, balki Ukrainaning "tinchlik formulasini" qo‘llab-quvvatlashi kerakligini ta’kidlagan.

- Ukrainaning tashabbusi barqaror tinchlikka olib kelishi mumkin bo‘lgan jarayonni ta’minlaydi, - dedi u. - Albatta, qanday shart ma’qulligini aynan ukrainaliklar hal qilishi lozim.

Eslatib o‘tamiz, o‘tgan hafta bo‘lib o‘tgan “Tinchlik do‘stlari” sammitida o‘n davlat vakili ishtirok etdi. Anjumanda Ukrainadagi vaziyatni tinch yo‘l bilan hal etish bo‘yicha Xitoy-Braziliya muqobil loyihasi qo‘llab-quvvatlandi.

"Euronews" nashri xabar berishicha, NATOni o‘n yil boshqargan Stoltenberg vakolatini rasman Mark Ryuttega topshirdi.