NATO mamlakatlari tashqi ishlar vazirlari Ukrainaga yordamni oshirishga va’da berishmoqda

NATO tashqi ishlar vazirlari Rossiya hujumlari fonida Ukrainani qo‘llab-quvvatlashni kuchaytirishga va uning energetika infratuzilmasini tiklashga yordam berishga va’da berishdi.

«Rossiyaning tajovuzkorligi, jumladan, Ukraina fuqarolik va energetika infratuzilmasiga doimiy va uyatsiz hujumlari millionlab ukrainaliklarni asosiy xizmatlardan mahrum qilmoqda», — deyiladi tashqi ishlar vazirlari Buxarestdagi NATO sammitidagi muzokaralarning birinchi kuni yakunlari bo‘yicha bayonotida.

«Biz Ukraina o‘z suvereniteti va hududiy yaxlitligini himoya qilishda davom etar ekan, uni siyosiy va amaliy qo‘llab-quvvatlashimizni davom ettiramiz va kuchaytiramiz […] va qancha vaqt kerak bo‘lsa, uni qo‘llab-quvvatlaymiz», — deyiladi bayonotda.