“Musulmonlar Amerikani boshqarishini xohlaysizlarmi?"
AQShning Arkanzas shtatilik senator Jeyson Rapert islomofob fikri uchun tanqidga uchradi.
Thv11.com nashrining xabar berishicha, bir necha kun avval senator Tvitter orqali shunday deb yozgan: “Joriy yilgi oraliq saylovlarda musulmon saylovchilarning 95 foizi qatnashdi. Ularning butun Amerikani boshqarishini xohlaysizlarmi?”
Ijtimoiy tarmoqda senatorning bunday oshkora islomofob so‘zlari bahslarni keltirib chiqardi. Shuningdek, bunga Amerika – Islom munosabatlari kengashi (CAIR) ham e’tibor qaratdi. Kengash vakili Robert MakKoning ta’kidlashicha, senator Rapertning fikri o‘tmishdagi xavfli mafkuraning aksidir, bunday fikrni qo‘llab-quvvatlash emas, rad etish zarur.
Keyinroq senatorning Tvitterdagi sahifasi to‘sib qo‘yildi.