Muhammad Saloh YECHL final kuni ham ro‘zasini buzmaydi

"Liverpul" hujumchisi Muhammad Saloh Yevropa chempionlar ligasining final bo‘ladigan kuni ham o‘zining ro‘zasini buzmaydi. Bu haqda Misrning "Al-Masriy al-Yum" nashriga asoslanib stadion.uz xabar tarqatdi.

Misrlik futbolchi hozirda barcha musulmonlar kabi Ramazon oyi ro‘zasini tutmoqda va mashg‘ulotlarda faol ishtirok etmoqda.

Kelib chiqishi somalilik bo‘lgan, britaniyalik yengil atletikachi Muhammad Farah London-2012dagi olimpiadada oltin medallarni qo‘lga kiritish uchun ro‘za tutmagandi. Salohning aytishicha, u "Real"ga qarshi bo‘ladigan o‘yin kuni ham ro‘zador bo‘ladi.

26 may kuni Kiyevda iftorlik vaqti final o‘yini boshlanishiga taxminan 1 soat qolganda kiradi.