Mourinyo: Sevilya uchun Yevropa Ligasi finali odatiy ish, ammo maydonda tarix o‘ynamaydi

Joze Mourinyo «Sevilya»ning Yevropa Ligasida ko‘p g‘alaba qozonishidan xavotirda emas.

«Biz Chempionlar Ligasidan kelgan raqibimizdan farqli o‘laroq, uzoq yo‘lni bosib o‘tdik. Bu yerda bo‘lish uchun 14ta o‘yin o‘tkazdik va finalga munosib edik. Bizning vaqtimiz keladi.

Hamkasbim boshqacha fikrda bo‘lsa-da, maydonga tarix chiqmaydi. «Sevilya» tarixda ustunlik bor deb hisoblaydi va biz buni hurmat qilamiz. Lekin biz ham finalga munosibmiz. Ular uchun Yevropa Ligasi finali odatiy hol, biz uchun esa g‘ayrioddiy. Ular uchun yevrokuboklar finali xuddi chempionat o‘yinidek, biz uchun esa tarixiy voqea.

Klub kelajagim haqidagi savollarga javob berishimni xohlamaydi, lekin ular nima istayotganimni bilishadi. Vaziyat «Inter»dagidan farq qiladi. O‘shanda (2010 yili) men «Real» bilan hali shartnoma imzolamagandim, lekin hammasi allaqachon tayyor edi. Hozir boshqa klublar bilan umuman aloqam yo‘q. Men ertangi kun haqida, nimaga erishmoqchi ekanligimiz haqida o‘ylayman.

Xalqaro maydonda Mendilibardan (raqib murabbiyi) ko‘ra ko‘proq imkoniyatlarga ega bo‘ldim, lekin u men bilan bir avloddan, shuning uchun tengmiz. Futbolchilar ham teng darajada. «Sevilya» o‘yinchilarida faqat tajriba ko‘proq, lekin biz ham bu tarkib bilan 2 yildan beri o‘ynayapmiz», — deya portugaliyalik mutaxassisning so‘zlarini keltiradi Football Italia.

«Sevilya» va «Roma» o‘rtasidagi Yevropa Ligasi finali bugun, 31 may kuni bo‘lib o‘tadi.