Metan gaz quyish shoxobchasida janjal ko‘targan shaxslar ma’muriy javobgarlikka tortildi
![Metan gaz quyish shoxobchasida janjal ko‘targan shaxslar ma’muriy javobgarlikka tortildi Metan gaz quyish shoxobchasida janjal ko‘targan shaxslar ma’muriy javobgarlikka tortildi](/photos/news/IrS6SpeW02f1SzN.jpeg)
Joriy yilning 2 fevral kuni O‘zbekiston tumani Dahanaqaqir MFY hududida joylashgan avtomashinalarga suyultirilgan gaz quyish shoxobchasida fuqaro O.J. o‘zaro kelishmovchilik sababli fuqaro B.U. bilan tortishib qolgan va holatga O.J.ning yaqin qarindoshi O.T. ham aralashib, o‘rtada o‘zaro janjal kelib chiqqan.
Mazkur holat shu yerda jamoat tartibini saqlayotgan tuman IIB xodimlari tomonidan bartaraf etilib, tegishli hujjatlar rasmiylashtirilgan.
09.02.2024 yil kungi sud tibbiy ekspertiza xulosasida ushbu fuqarolarning har birida yengil shikastlar toifasiga kiruvchi jarohatlar aniqlanganligi sababli, yuqoridagi shaxslarga nisbatan MJtKning 52-moddasiga asosan bayonnomalar rasmiylashtirilib, qonuniy qaror qabul ko‘rishlik uchun jinoyat ishlari bo‘yicha O‘zbekiston tuman sudiga yuborilgan.