Lazizbek Mullajonovning Olimpiya medali bekor qilinishi haqidagi xabarlar rad etildi

So‘nggi kunlarda ijtimoiy tarmoqlarda bokschi Lazizbek Mullajonov doping qoidalarini buzgani, natijada Parij–2024 Olimpiadasidagi oltin medali bekor qilinishi mumkinligi haqida xabarlar tarqaldi.

Ammo bu da’volar mutlaqo asossiz ekani aniqlandi. Bu haqda O‘zbekiston boks federasiyasi rasmiy bayonot berdi.

Federasiya ma’lumotiga ko‘ra, Mullajonov professional boksda faoliyat olib borayotgan sportchi sifatida har doim doping qoidalariga qat’iy amal qilgan. U topshirgan testlar doimiy ravishda manfiy natija ko‘rsatgan. 2025-yil 11-iyun kuni Xalqaro Test agentligi tomonidan olingan navbatdagi testda taqiqlangan moddaning borligi aniqlangan Lazizbek Mullajonov Parij Olimpiadasidan so‘ng, 2024-yil 19-noyabr kuni Farg‘ona shahridagi xususiy shifoxonada soch ko‘chirib o‘tkazish jarayonidan keyin sportchiga shifokorlar tomonidan bir qator dori vositalari berilgan. Mazkur dorilar tarkibida ayrim taqiqlangan moddalar bo‘lishi ehtimoli mavjudligi ta’kidlanmoqda.

O‘zbekiston boks federasiyasi va sportchining o‘zi mazkur holat yuzasidan Xalqaro Test agentligiga barcha zarur hujjatlarni taqdim etgan. Hozirda Lazizbek Mullajonov yakuniy qarorni kutmoqda.