Italiyada erkak kishi odamlarga o‘q uzdi. Bir kishi o‘ldi

13 iyun, yakshanba kuni tushdan keyin Rim yaqinida joylashgan Italiyaning Ardea shahrida bir erkak odamlarga qarata o‘q uzdi.

Mahalliy ommaviy axborot vositalarining xabarlariga ko‘ra, uch va sakkiz yoshli bolalar hamda keksa kishi yaralangan - ular og‘ir ahvolda kasalxonaga yetkazilgan. Keyinchalik keksa kishi jarohatlar tufayli vafot etgani xabar qilingan.

So‘nggi ma’lumotlardan ko‘rinib turibdiki, gumondor yashiringan, odamlarni garovga olgan. Endi huquqni muhofaza qilish organlari xodimlari 34 yoshli gumonlanuvchi bilan muzokara olib borishga urinmoqdalar.