Tramp muhojirlarni ommaviy ravishda deportasiya qilishga va’da bermoqda

Nyu-Jersidagi mitingda Donald Tramp saylovda g‘alaba qozonsa, noqonuniy migrasiyaga qarshi qat’iy kurash olib borish niyatida ekanligini ma’lum qildi.

Tramp AQShning janubiy chegarasini «muhrlashga», Meksikadan kelayotgan muhojirlar oqimini to‘xtatishga va noqonuniy muhojirlarni deportasiya qilishga va’da berib, migrasiyani «bosqin» deb atadi.

«Biz bu bosqinni to‘xtatamiz va hujjatsiz muhojirlarni o‘zlari tegishli bo‘lgan uylariga jo‘natamiz», dedi u AQSh tarixidagi eng yirik deportasiya operasiyasini boshlash niyatini e’lon qilib.