Hizbulloh 11 ta harbiy amaliyot o‘tkazdi

Isroil G‘azo sektorida bosqinchilik va qirg‘inbarot urushini boshlaganiga 357 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar Rafah va Jabaliya va Nuseyrat lagerlariga hujum qildi. 24 soat ichida 36 kishi vafot etdi. Urush boshlanganidan buyon 41534 kishi shahid bo‘ldi.

▪️Bosqinchilar Jabaliya lageridagi muhojirlar uchun Al-Faluja maktabiga hujum qilishdi. 17 kishi halok bo‘ldi, o‘nlab kishilar yaralandi. Al-Aqsa kasalxonasidagi chodirlarga ham zarba berildi.

▪️Hizbulloh 11 ta harbiy amaliyot o‘tkazdi. Rafael harbiy majmuasi, Dadu bazasining qo‘mondonlik shtab-kvartirasi, Jalila diviziyasi va uning Amiadadagi omborlari, Samson bazasi hujumga uchradi. Safadga 80 ta raketa, Kiryat Ataga 50 ta raketa otilgan.

▪️Isroilning Livan shaharlariga uyushtirgan hujumlarining to‘rtinchi kunida 92 kishi halok bo‘ldi, 153 kishi yaralandi. Shahidlarning umumiy soni 700 kishidan oshdi.

▪️Tel-Avivda Yamandan ballistik raketa uchirilgandan so‘ng 2 milliondan ortiq kelgindilar bombapanohlarga yashirindi. Hujum va taloto‘plarda 17 ta bosqinchi jarohatlandi.

▪️Norvegiya: Falastinliklarga iqtisodiy yordamni kuchaytirish kerak. Hozirda Falastin davlatini yaratishga qaratilgan keng xalqaro koalisiya mavjud.

▪️Saudiya Tashqi ishlar vazirligi Falastin davlatini yaratish bo‘yicha xalqaro koalisiya tuzilganini e’lon qildi.