HAMAS siyosiy idorasini Qatardan Iroqqa ko‘chirmoqchi — The National
Qatar va Amerika Qo‘shma Shtatlari HAMAS rahbariyatiga G‘azo sektorida o‘t ochishni to‘xtatish va garovga olingan isroilliklarni ozod qilish bo‘yicha muzokaralarda ko‘proq moslashuvchanlik ko‘rsatish uchun bosim o‘tkazayotgani sababli harakat o‘zining siyosiy idorasini Dohadan Bag‘dodga ko‘chirishi mumkin.
Nashrning xabar berishicha, Qatar rasmiylari HAMAS rahbariyatiga agar o‘t ochishni to‘xtatish bo‘yicha kelishuvga erishilmasa, harakatning Dohadagi vakolatxonasini yopish va G‘azo sektori tashqarisidagi aktivlarini muzlatish bilan tahdid qilgan.
"HAMAS siyosiy byurosi rahbari Ismoil Xoniya o‘tgan oy Iroq Bosh vaziri Muhammad al-Sudaniy va respublika hukumatining boshqa a’zolari bilan bu imkoniyatni muhokama qilgan. Iroq hukumati harakatning siyosiy idorasini Bag‘dodga ko‘chirish imkoniyatini ma’qullagan", deb yozadi The National.
