Filadelfiyada do‘konlar ommaviy talon-toroj qilina boshlandi

Filadelfiyada 27 yoshli haydovchini otib o‘ldirgan polisiyachiga qo‘yilgan ayblov bekor qilinganidan so‘ng do‘konlar ommaviy talon-toroj qilina boshlandi.

Avgust oyi o‘rtalarida polisiya zobiti Mark Dial Eddi Irizarrining mashinasini tartibsiz haydagani uchun to‘xtatgandi. Janjal paytida ofiser Eddiga qarata mashina oynasidan o‘q uzadi. 8 sentyabr kuni Dial hukumatning tegishli organiga taslim bo‘ldi. Polisiyachining so‘zlariga ko‘ra, Irizarri unga pichoq bilan hujum qilmoqchi bo‘lgan, biroq videoyozuv uning so‘zlariga zid. Shunga qaramay, sud Dialga qo‘yilgan ayblovlarni bekor qildi. Shundan so‘ng, shahar do‘konlarida talon-toroj boshlandi.