Eyfelning avlodlari Olimpiya halqalarini ota-bobolarining minorasida qoldirish qaroriga qarshi chiqishdi

Eyfel minorasini yaratgan muhandis Gyustav Eyfelning avlodlari Parij meri Ann Idalgoning Olimpiada o‘yinlari oldidan u yerda o‘rnatilgan Olimpiya halqalarini saqlab qolish qaroriga qarshi chiqdi.

"Parij va Fransiyaning ramziga aylangan Eyfel minorasi Olimpiya o‘yinlari kabi tadbir bilan doimiy bog‘lanishdan ko‘ra kengroq maqsadni ko‘zlaydi" - dedi Gyustav Eyfel avlodlari jamiyati BFMTV telekanaliga.

Avvalroq Idalgo Olimpiada o‘yinlari oldidan o‘rnatilgan olimpiya halqalari minorada qolishini aytgan edi. Uning so‘zlariga ko‘ra, buning uchun Xalqaro olimpiya qo‘mitasidan ruxsat olingan.