«Endi ko‘mir iste’molchiga yetib borgunga qadar maydalanib ketmaydi» — «O‘zbekko‘mir»

«Endi ko‘mir iste’molchiga yetib borgunga qadar maydalanib ketmaydi. Bu haqda «O‘zbekko‘mir» bosh geologi Erkin Jo‘rayev ma’lum qildi.

«Iste’molchilar talablaridan kelib chiqqan holda, «Angren» ko‘mir konidagi Qo‘ng‘ir ko‘mirida yangi marka joriy etildi. Ushbu marka «O‘zstandart» agentligi tomonidan tasdiqlandi va 2021 yildan boshlab iste’molga kiritiladi.

Ya’ni, yangi markaga ko‘ra, ko‘mir razmeri 300 mm.dan 700mm.ga uzaytirildi. 

Shu paytga bo‘lgan asosiy shikoyatlar — ko‘mirning hajmi kichkina ekani bilan bog‘liq. Yangi marka asosida ishlab chiqarilayotgan ko‘mirlar iste’molchining omboriga qadar yetib borguncha maydalanib ketmaydi», dedi u.