Dunyodagi eng yirik choy ishlab chiqaruvchi kompaniya ham Rossiyani tark etadi

“Ekaterra” xalqaro choy kompaniyasi “hozirgi faoliyat muhiti tufayli” Rossiyadan chiqib ketadi, deya xabar berdi Interfaks.

Bu shuni anglatadiki, Ekaterra 2022 yil oxirigacha Rossiyada Lipton, Saito va Brooke Bond choylarini ishlab chiqarishni to‘xtatish niyatida va tez orada savdo to‘xtatiladi.

Ekterra dunyodagi eng yirik choy ishlab chiqaruvchilardan biridir. Kompaniya portfeliga 34 ta brend kiradi, jumladan, PG Tios, Pukka, T2, Tazo va Lipton. 2022 yil boshida Ekaterra kompaniyasiga egalik qilgan Unilever o‘zining choy bo‘linmasini CVC Capital Partners VIII ga sotishni yakunladi. Bitim 4,5 milliard yevroni tashkil etdi.