Daniya Shvesiya bilan chegaraga nazorat o‘rnatdi
Daniya Shvesiya bilan chegarada vaqtincha nazoratni joriy etdi. U 12 noyabrdan kuchga kiradi va olti oy davomida amal qiladi. Daniya hukumati tomonidan kiritilgan “xavfsizlik harakati” tarkibiga butun mamlakat bo‘ylab videokuzatuvni kengaytirish, jazolarni kuchaytirish va Shvesiyadan kelganlarni nazorat qilish kiradi.
– “Chegara nazorati jamoat joylarida xavfsizlikni ta’minlashning muhim elementidir”, – deydi Daniya Adliya vaziri.
Kopengagen polisiyasi xodimi Ann Tonnes: “Polisiya nuqtai nazaridan chegarani nazorat qilishda eng muhim narsa shundaki, biz Daniya va Shvesiya o‘rtasidagi transport qatnovini yaxshilay olamiz”, – deya fikr bildirdi.
Nazorat Shvesiyadan Daniya portlariga va temir yo‘l stansiyalariga kelgan yo‘lovchilarni vaqti-vaqti bilan tekshirish shaklida amalga oshiriladi. Bu shuningdek, Kopengagen va Shvesiyaning Malmyo shaharlarini bog‘laydigan, Eresunn bo‘g‘ozi orqali o‘tadigan tunnel ko‘prigi bo‘ylab harakatlanadigan transport vositalariga nisbatan qo‘llaniladi.