Buyuk Britaniya bosh vazirligiga nomzod Sunak Putinni G20 sammitidan chetlatishga chaqirdi
Buyuk Britaniya bosh vazirligiga nomzod, sobiq moliya vaziri Rishi Sunak Rossiya prezidenti Vladimir Putinni noyabr oyida Indoneziyada bo‘lib o‘tadigan G20 sammitiga qo‘ymaslikka chaqirdi.
Bu haqda Sky News Sunak vakiliga tayanib xabar bermoqda.
Sunakning so‘zlariga ko‘ra, Ukrainadagi maxsus operasiya to‘xtatilmaguncha Putinga "G20 stolida unga joy bo‘lmaydi” degan “kuchli signal” yuborish kerak.
Avvalroq, Bloomberg agentligi Indoneziya prezidenti Joko Vidodoga tayanib Rossiya prezidenti Vladimir Putin va Xitoy rahbari Si Szinpin Balidagi G20 sammitida ishtirok etishni rejalashtirayotgani haqida xabar bergan edi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
