Buxoro tumanida aloqa kabelini uzgan fuqaro ma’muriy javobgarlikka tortildi
Joriy yilning 12-sentyabr kuni Buxoro viloyati, Buxoro tumani, “Gulshanobod” MFY, Chorrabot qishlog‘ida yashovchi fuqaro Q.T. tomonidan boshqaruvidagi traktor bilan yerda ishlash jarayonida “Ist Telekom” QK Buxoro viloyat hududiy bo‘limiga qarashli Buxoro-Yaxshilik temir yo‘l stansiyasi yo‘nalishi Buxoro shahri, “Losha” MFY Foshun qishlog‘i hududidan o‘tuvchi optik tolali aloqa kabelini (OTAK-6) ehtiyotsizlik oqibatida uzgan.
Ushbu holat yuzasidan “O‘zkomnazorat” inspeksiyasi Buxoro viloyati hududiy shu’basi tomonidan huquqbuzarlik holati joyida o‘rganilib, fuqaro Q.T. tomonidan O‘zbekiston Respublikasi Vazirlar Mahkamasining 1998-yil 15-maydagi 210-son qarori bilan tasdiqlangan “Telekommunikasiya liniyalari va inshootlarini muhofaza qilish qoidalari”ning 12-bandini “a”- kichik bandi hamda O‘zbekiston Respublikasi Ma’muriy javobgarlik to‘g‘risidagi kodeksning 154-moddasi 1-qismi “Aloqa yo‘llari va inshootlarini muhofaza qilish qoidalarini buzish” talablari buzilganligi uchun ma’muriy bayonnoma rasmiylashtirilib, Q.T. ga nisbatan O‘zbekiston Respublikasi “Ma’muriy javobgarlik to‘g‘risida”gi Kodeksning 154-moddasining 1-qismiga asosan ma’muriy javobgarlik chorasi ko‘rildi. Kabel uzilishi shu kunning o‘zida “Ist Telekom” QK Buxoro viloyat hududiy bo‘limi mutaxassislari tomonidan bartaraf etildi.
