Bugun Ozarbayjonda 8 noyabr — Zafar kuni nishonlanmoqda

Ozarbayjon Respublikasi Prezidenti Ilhom Aliyev tomonidan 2020 yil 3 dekabrda imzolangan “Ozarbayjon Respublikasida Zafar kunini ta’sis etish to‘g‘risida”gi farmoyishga muvofiq, har yili 8-noyabr kuni mamlakatda Zafar kuni keng nishonlanadi.

2020 yil 27 sentyabrda Armaniston qurolli kuchlarining front chizig‘ida amalga oshirgan keng ko‘lamli provokasiyasiga javoban Ozarbayjon armiyasi keyinchalik “Temir musht” deb nom olgan qarshi hujum operasiyasini boshladi. 44 kun davom etgan Vatan urushi yakunida Ozarbayjon yerlarining qariyb o‘ttiz yillik bosqiniga barham berildi. Ozarbayjonning hududiy yaxlitligi tiklandi.

8-noyabr kuni har bir ozarbayjonlik uchun aziz bo‘lgan Qorabog‘ning durdonasi — Shusha shahrining bosqindan ozod etilishi urush taqdirini hal qilgan tarixiy burilish bo‘ldi. Bu g‘alaba dushman tomonining harbiy-siyosiy rahbariyatini mag‘lubiyatini tan olishga va jangovor harakatlarni to‘xtatishga majbur qildi.

Shusha shaharini ozod etish operasiyasi abadiy tarixda qoladi. Shusha — Qorabog‘ning tojidir, uning urayotgan yuragidir. Bu shahar tabiiy jihatdan mustahkam qal’a bo‘lib, unga tanklar yoki og‘ir qurollar bilan kirishning iloji yo‘q edi. Shaharni egallash uchun ikki yo‘l mavjud edi. Birinchi variant — dushman kuchlarini havo hujumlari yoki artilleriya zarbalari bilan yo‘q qilish edi. Ammo qo‘mondonlik bunga bormadi, chunki bombardimon shaharni vayronaga aylantirgan bo‘lar edi. Shu sababli alternativ variant — qo‘lbola jang taktikasi tanlandi. Ozarbayjon armiyasining qahramon askar va ofiserlari yengil qurollar bilan zich o‘rmonlar, qoyalar va tog‘larni kesib o‘tib, dushmanni qo‘l jangi orqali yo‘q qildilar.

Shusha shaharining tarixiy ahamiyatini va uning ozod etilishini inobatga olgan holda, bu mislsiz g‘alaba — xalqimizning jangovor iroda va qudratining tantanasi bo‘lib, davlatimizning rivojlanishi va xalqaro nufuzini oshirishda alohida ahamiyat kasb etadi. Zafar kuni har yili 8-noyabrda tantanali tarzda nishonlanadi.

2020-yil 10 noyabrda Ozarbayjon Prezidenti, Armaniston Bosh vaziri va Rossiya Prezidenti o‘rtasida to‘liq otish to‘xtatish va harbiy harakatlarni to‘xtatish to‘g‘risida bayonot imzolandi. Unga ko‘ra, 20 noyabrda — Agdam, 25 noyabrda — Kalbajar, 1-dekabrda — Lachin hech bir o‘q otishsiz va inson talafotisiz ozod etildi. Shu tariqa Ozarbayjonning harbiy g‘alabasi Armanistonni kapitulyasiyaga majbur qildi.

44 kunlik Vatan urushidan so‘ng, Ozarbayjon Respublikasi Prezidenti Ilhom Aliyev mintaqada barqaror tinchlik o‘rnatish maqsadida Armanistonga tinchlik qo‘lini cho‘zdi. Biroq Armaniston Ozarbayjon tomonidan taklif etilgan tinchlikni qabul qilmadi va bizning hududlarimizda terroristik harakatlar hamda provokasiyalarni davom ettirdi. Bunga javoban Ozarbayjon mahalliy antiterror chora-tadbirlarini boshladi. Kamroq 24 soat ichida arman separatistlari Ozarbayjon armiyasining qudrati qarshisida taslim bo‘lishga majbur bo‘ldi.

Natijada Armaniston qurolli kuchlari bo‘linmalari va noqonuniy arman harbiy tuzilmalari qurollarini tashlab, jangovor pozisiyalarini tark etdilar va to‘liq qurolsizlantirildi. Qorabog‘da noqonuniy xunta rejimi tugatildi, separatistlarning asosiy yetakchilari hibsga olindi va Ozarbayjon o‘z hududiy suverenitetini to‘liq tikladi.