Belgiya Ukrainaga 200 million yevro ajratdi

Belgiya Ukrainaga 800 ming dona o‘q-dori sotib olish uchun 200 million yevro ajratdi. Bu haqda mamlakat bosh vaziri Aleksandr De Kroo bayonot berdi.

Ukraina uchun snaryadlar harid qilish tashabbuskori Chexiya prezidenti Petr Pavelning qayd etishicha, agar moliyalashtirish Kiyevning G‘arbdagi ittifoqchilari tomonidan ta’minlansa o‘q-dorilar yetkazib berish bir necha hafta ichida amalga oshirilishi mumkin.

Avvalroq Politico nashri Chexiya Janubiy Koreya, Turkiya va Janubiy Afrikada o‘q-dorilar haridi bo‘yicha muzokaralar olib borayotgani haqida yozgan edi.