AQShdagi to‘fon sababli 15 ta shtat xavf ostida qoldi

Amerika Qo‘shma Shtatlarining Arkanzas shtatida kuchli shamol va tornado yuz berdi. BBC News xabariga ko‘ra, juma kuni shtat markazi Litl-Rok shahrida noqulay ob-havo ortidan tornado yuzaga kelgan.

Tabiiy hodisa shtat bo‘ylab favqulotda holat e’lon qilinishiga olib keldi. Shamol kuchi daraxtlar, uylarning tomlari hamda avtomashinalarga jiddiy zarar yetkazgani bildirildi.

Ayrim davlat binolari jiddiy zararlangan. Shuningdek, tornadodan 24 ta aholi vakili jarohat olib, shifoxonalarga yetkazilgan. Mamlakatning 15 ta shtati kuchli to‘fon sababli xavf ostida ekani aytildi.