Японияда шаҳар боғидан уч минг дона нок ўғирлаган шахс қўлга олинди

Японияда шаҳар боғидан уч минг нок ўғирлаган эркак ҳибсга олинди.

Касама шаҳрининг ҳушёр аҳолиси Ибараки префектураси полициясига мурожаат қилганидан кейин ўғирлаган шахс қўлга олинди. Уларнинг айтишича, чет эл фуқароси мамлакатда қолиш учун рухсатисиз шаҳарда бўлиши мумкин. Меҳмонхонада 31 ёшли вьетнамлик эркакдан қутиларга қадоқланган 1800 га яқин нок, шунингдек, тарозилар, картон қутилар ва посилкалар учун почта чеклари топилган.

Қўлга олинган шахс 24 соат ичида шаҳар боғидан уч минг нокни ўғирлаб кетганини, уларнинг бир қисмини харидорларга жўнатишга муваффақ бўлганини айтди. Расмийларга кўра, шаҳар ғазнасига олти минг долларга яқин зарар етган. Хорижий фуқаронинг эҳтимолий шериклари қидирилмоқда, деб ёзади Sora News.