Хонанда МакSим клиник ўлим пайтида нималарни кўрганини айтиб берди (ВИДЕО)

Россиялик қўшиқчи, 38 ёшли МакSим (Марина Aбросимова) журналист Ксения Собчак билан суҳбатда клиник ўлими пайтида бошқа дунёвий ҳақиқатга тушиб қолганини айтди.

Хонанданинг сўзларига кўра, ўлим инсон мавжудлигининг охирги нуқтаси эмас ва тобут ёпилганида "ҳамма нарса эндигина бошланади".

"Мен комада бўлганимда, ўзимни бутунлай бошқача воқеликда кўрдим ва англадимки, биз бу ерда яшаётган ҳаёт ҳақиқатдан ҳам камроқ", - дейди қўшиқчи.

"Бу тушга ўхшамайди. Мен ўзимни учиб кетаётгандек, жуда яхши ҳис қилардим, қандайдир қуёш ботиши, қандайдир илиқлик ва иқрорим. Мен: "Мен ўламан", дедим. Ўзимни яхши ҳис қилдим, сабабини билмайман. Касалхонага борганимда улар мени тезда даволайди, ҳаммаси яхши бўлади, деб ўйлагандим. Клиник ўлим ҳолатига тушганимда эса ғалати кабинага туша бошладим, у ерда қиш эди. Кейин менинг орқамдан баъзи одамлар келди, биз кўтарила бошладик. Ўзимга келганимда шифокорлар юрагим икки марта тўхтаганини айтишди", деди МакSим.

Хонанданинг айтишича, касалликдан кейин у оддий нарсалардан ҳам бахтни ҳис қилади. У даволаниш пайтида ковидга чалинган беморларда тез-тез учрайдиган руҳий тушкунлик унда кузатилмаганини айтди.

Эслатиб ўтамиз, 14 июнда МакSим коронавирус аломатлари билан касалхонага ётқизилганди — унинг иситмаси, оғир йўтал, ҳолсизлик ва ўпканинг 40% шикастланиши бор эди.

Қўшиқчи бир ярим ойни махсус ускунага уланган ҳолда клиник ўлим ҳолатида ўтказди. У 13 август куни касалхонадан чиқди.