Холанд йилнинг энг яхши спортчиси деб топилди
BBC Эрлинг Холандни йилнинг энг яхши спортчиси деб топди.
23 ёшли норвегиялик форвард 2022/23 йилги мавсумда “Манчестер Сити” билан треблга эришди, лига, Англия кубоги ва Чемпионлар лигасида ғолиб чиқди.
Холанд BBC Sport Personality of the Year тақдирлаш маросимида йилнинг энг яхши спорт шахси деб топилди.
Шунингдек, соврин учун америкалик гимнастикачи Симоне Билес, “Барселона” аёллар жамоасининг испаниялик футболчиси Айтана Бонмати, теннисчи Новак Жокович, Жанубий Африканинг регби жамоаси сардори Сия Коласи ва “Формула-1” бўйича жаҳон чемпиони Макс Верстаппен даъвогарлик қилишди.
2022 йил охирида соврин Аргентина терма жамоаси билан жаҳон чемпионатида ғолиб чиққан Лионель Мессига насиб этганди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
